Në kuadër të Ditës Ndërkombëtare të Muzeve, InstitutI organizoi një tur kulturor dhe edukativ të udhëhequr nga Dr. Ols Lafe.
Turi prezantoi studentë shqiptarë dhe të huaj me disa nga monumentet më të rëndësishme historike dhe kulturore të Tiranës, përfshirë Muzeun e Bankës së Shqipërisë, Teatrin e Kukullave, Parlamentin e Parë Shqiptar, Pedonalen, gjurmët e themeleve më të hershme të qytetit, Kalanë Mesjetare të Tiranës, Kullën e Sahatit dhe Xhaminë e Et’hem Beut.
Studentët vizituan gjithashtu Tyrben e Kapllan Pashës dhe eksploruan ndikimin e arkitekturës italiane në identitetin urban dhe zhvillimin historik të qytetit.
Përmes kësaj nisme, IETT synoi të promovojë ndërgjegjësimin mbi trashëgiminë kulturore, edukimin historik dhe vlerësimin për trashëgiminë e pasur arkitekturore të Tiranës.
